නිමිත්ත: මව දින දොළහක් වයස බිළිඳා මහමඟ දමා යයි....
ගසක පිපිනු මල් ගසකට මහමෙරකි
අහස දිලන තරු අහසට පිරිවරකි
කණාමැදිරියන් රැයකට සිහිනයකි...
දරුවන් මවුන් හට දිදුලන මහ කොතකි...
ගසකින් ගිලිහිලා මිහිමත වැටුනාදෝ
තරුකැට ගිලිහිලා දියමත වැටුනාදෝ
රැය පහන් වෙලා සිහිනය නිවුනාදෝ
මවකට එපා වී මහ මඟ රැදුනාදෝ
ගිලිහී වැටෙද්දී අන් තුර රැඳීයන්
තරු එලි දරු දෙනෙත් වී මඟ කියාපන්
අරුණ පමාවී සිහිනය දිනාපන්
අන් මව් තුරුල්ලේ සිනහා සදාපන්
No comments:
Post a Comment